Мекеме басшысының айтуынша 2019 жылы Шымкент қаласына «Бизнестің жол картасы 2020» бағдарламасы аясында 1916,0 млн.теңге бөлінген. Оның 2,1 млрд. теңгесі кәсірорындарға (141 жоба) субсидия негізінде төленген.

- Кепілдендіру бойынша 72 жоба 1,2 млрд.теңгеге кепілдік алды. Мемлекеттік гранттық қолдау мақсатында 55 жобаға қайтарымсыз 152,0 млн.теңге бөлінді,-деді Н.Қабыштаев.

Сондай-ақ кәсіпкерлер палатасы 545 бизнес-жоспар әзірлеп, оның 328 кәсіпкерлік субъектілерін қаржыландыру бойынша 820 млн.теңгеге сүйемелдеген.

Сонымен қатар, былтыр 2191 шағын және орта кәсіпкерлік нысандарына 2499 қызмет көрсетіліп, (жоспарлық көрсеткіш 156,6%-ға орындалды) жалпы сомасы 702,3 млн. теңгеге 148 жоба жүзеге асырылды. Нәтижесінде 643 жаңа жұмыс орны ашылды.

Жалпы 2019 жылы қала аумағында шағын және орта бизнестің саны 19,6% өскен (жалпы 69,4 мың құрап отыр). Өңірлік өнім көлемі 1,5 трлн.теңгеге , ШОБ-тың үлесі 42%-ға жетті. Ал өнеркәсіп көлемі 15%-ға, ішкі сауда көлемі 5,3% артқан.